[1] Dɔnkili dalaw kuntigi ka kalan dɔnkili kungo kɔnɔ feere ko la. Dawuda ka Zaburu.
[2] Dawuda ye nin dɔnkili da a ni Sirikaw ka kɛlɛ tuma la Mɛsopotami ni Siri jamana Zoba mara la. Joab ye Edɔmka cɛ waa tan ni fila faga jɛkɛnɛ kɔgɔma la tuma min na.
[3] Ala, i ye an fili ka an jɛnsɛn, i diminna an kɔrɔ, i ka sɔn an na tun.
[4] I ye dugukolo yɛrɛyɛrɛ k'a farafara. I ka pɛrɛn yɔrɔw dila, k'a masɔrɔ a bɛ lamaga.
[5] I ye ko gɛlɛnw jira i ka mɔgɔw la. I ye an laminɲɛnamini diwɛn na.
[6] Ne ye i ka darapo di i ɲɛsiranbaaw ma, walisa u ka wuli tiɲɛ barika la. Sela.
[7] An kisi i kininbolo barika la ka an jaabi, walisa i ka kanulenw ka kisi.
[8] Ala kumana a ka yɔrɔ senuma la ko: «Ne na se sɔrɔ. Ne na Sisɛm tilatila, ka Sukɔt jɛkɛnɛ suma ni jurukisɛ ye.
[9] Galad ye ne ta ye, Manase fana ye ne ta ye. Efrayim ye ne ka nɛgɛ fugula ye, Juda ye ne ka masaya bere ye.
[10] Moab ye ne ka koli minan ye. Ne na ne ka sabara kerun Edɔm kɔnɔ. Filisiti jamana, i ka pɛrɛnkan bɔ ne kosɔn.»
[11] Jɔn na neɲɛminɛ dugu barikama kɔnɔ? Jɔn na taa ni ne ye fo Edɔm jamana la?
[12] Ala, e ma an fili wa? Ala, i tɛ taa an ka kɛlɛbolow fɛ wa?
[13] I ka na an dɛmɛ ka an bɔ tɔɔrɔ la. Hadamaden ka dɛmɛni ye fuu ye.
[14] An na an ka sebaaya kow kɛ Ala barika la, ale de na an juguw cɔngɔ an sen kɔrɔ.