[1] Ka an to Babilonɛ ba daw la, an hakili jiginna Sion na tuma min na, an ye an sigi yen ka kasi.
[2] An ye an ka nkɔniw dulon jiri misɛnw na.
[3] Minw taara ni an ye jɔnya la yen, olu ko an ka dɔnkiliw da. An tɔɔrɔbaaw y'a fɔ ko an ka ɲagali dɔnkili da. U ko: «A' ye Sion dɔnkili dɔ da an ye.»
[4] K'an to jamana wɛrɛ dugukolo kan, an na Matigi ka dɔnkili da cogo di?
[5] Jerusalɛm, ni neɲinɛna i kɔ, ne kininbolo ka ɲinɛ nkɔni fɔ cogo kɔ.
[6] Ni ne ma ne hakili to i la, ni ne ma Jerusalɛm jate ka tɛmɛn ne ka nisɔndiya fɛn bɛɛ kan, ne nɛnkun ka nɔrɔ ne naalo la.
[7] Matigi, i hakili to Jerusalɛm ci don na ka Edɔm bɔnsɔn sara, olu minw ko: «Aw ka a ci, aw ka a ci fo a ju.»
[8] E kɔni Babilonɛ, sɔɔni i na halaki. I ye ko jugu min kɛ an na, mɔgɔ minw bɛ o ɲɔgɔn kɛ i la, olu ye dubadenw ye.
[9] Minw bɛ i ka denmisɛnw minɛ ka u saba fara kan, olu ye dubadenw ye.