[1] Dawuda ka Zaburu. Matigi, i ka ne kɛ tilennen ye, k'a masɔrɔ ne bɛ taama dafalenya la. Ne ye ne jigi da Matigi kan, ne tɛna lamaga.
[2] Matigi, i ka ne sɛgɛsɛgɛ ka ne kɔrɔbɔ. I ka ne kɔnɔna kow ni ne dusukun sɛgɛsɛgɛ,
[3] katuguni i ka makari bɛ ne ɲɛ kɔrɔ, ne bɛ taama i ka tiɲɛ la.
[4] Ne tɛ ne sigi nkalontigɛlaw cɛma, ne ni filankafow tɛna jɛ.
[5] Kojugukɛlaw jama ko man di ne ye fewu. Ne tɛ ne sigi mɔgɔ juguw cɛma.
[6] Ne ye ne tɛgɛw ko jɛlenya la, Matigi, ne bɛ ne jɔ i ka saraka bɔlanɲɛ fɛ,
[7] walisa ne ka i ka nɛɛma ko welewele da ka i ka kabakow bɛɛ lakali.
[8] Matigi, ne b'a fɛ ka sigi i ka so kɔnɔ, i nɔɔrɔ yɔrɔ la.
[9] I kana ne ni jurumukɛlaw ni tigɛɲɔgɔn fɛ, i kana ne ni mɔgɔ fagalaw halakiɲɔgɔn fɛ.
[10] Olu tɛgɛw falen bɛ dabali juguw la, u kininbolow falen bɛ daguli fɛnw na.
[11] Nka ne bɛ taama jɛlenya sira fɛ. I ka hinɛ ne la ka ne kisi.
[12] Ne sen na to sira tilennen kan. Ne na Matigi tanu jama cɛma.