[1] Dawuda ka Zaburu. Ala denw, aw ka bonya da Matigi kan. A' ye bonya da Matigi kan ni nɔɔrɔ ni tanuli ye.
[2] A' ye bonya da Matigi tɔgɔ nɔɔrɔma kan. A' ye aw ɲɔngiri Matigi ɲɛ kɔrɔ ka a bato, aw masirilen ni senuya ye.
[3] Matigi kan bɛ bɔ ji san fɛ. Nɔɔrɔtigi Ala bɛ sanpɛrɛnkan bɔ, Matigi sigilen bɛ jibaw kun na.
[4] Sebaaya bɛ Matigi kan na, fangaba bɛ Matigi kan na.
[5] Matigi kumakan bɛ sedere sunbaw fara, Matigi bɛ Liban sedere sunbaw farafara.
[6] A b'a to Liban kuluw ka panpan i ko ntura bɔlanw. A b'a to Hermɔn kulu ka panpan i ko sigi bɔlanw bɛ boli ka u panpan cogo min na.
[7] Matigi kan bɛ tasuma mana seri.
[8] Matigi kan bɛ kungokolon yɛrɛyɛrɛ, Matigi bɛ Kadɛs kungokolon yɛrɛyɛrɛ.
[9] Matigi kan b'a to minan musow ka jigin, a bɛ jiritubaw kɛ kɛnɛ lankolon ye. A batosoba kɔnɔ, fɛn bɛɛ b'a fɔ ko: «Nɔɔrɔ.»
[10] Matigi sigira jiba kun na, Matigi sigilen bɛ masaya la badaa.
[11] Matigi na barika di a ka mɔgɔw ma, Matigi na duba a ka mɔgɔw ye ka hɛrɛ kɛ u ye.