[1] Dɔnkili dalaw kuntigi ka dɔnkili. «I kana halakili kɛ.» Dawuda ka Zaburu.
[2] Sɛbɛ la, aw makunnen bɛ tiɲɛ kow kɛ wa? Hadamadenw, aw bɛ kiri tilennen tigɛ wa?
[3] Ayi dɛrɛ, aw bɛ dabali jugu miiri aw kɔnɔ. Aw bolo bɛ ko juguba lase jamana bɛɛ ma, ka aw bolo ka fariya kow da sumani ja kan.
[4] Mɔgɔ juguw mabɔra Ala la kabini u bange don, nkalontigɛlaw filila ka sira bila kabini u bange tuma.
[5] U bagaw bɔlen bɛ sa baga fɛ, u bɛ i ko fɔnfɔnnin min bɛ a tulo datugu,
[6] walisa a kana a dɔnbaaw kan mɛn, hali ni u bɛ sa ko ɲɛw bɛɛ dɔn.
[7] Ala, i ka mɔgɔ juguw dalaɲinw kari. Matigi, i ka o warabaw daw fara.
[8] U ka tunun i ko ji min bɛ woyo ka taa. Ni u ye u ka kalaw sama, u ka biɲɛw ka kɛ i ko u karilen don.
[9] U ka kɛ i ko kɔtɛ salen min bɛ yeele i ko tulu, i ko den kɔnɔ dafabali min ma tile ye.
[10] Sani tobili daga ka bɔ nwɔni manalen funteni seere ma, a kɛnɛfara a manalen kan, fiɲɛ bɛ taa ni a ye.
[11] Ni mɔgɔ tilennen y'a mɔnɛ bɔtɔ ye mɔgɔ jugu la, a bɛɲagali. A na a sen ko mɔgɔ jugu joli la.
[12] O de kosɔn mɔgɔ bɛɛ n'a fɔ ko: «Ɔwɔ, baraji maralen bɛ mɔgɔ tilennen ye. Ɔwɔ, Ala bɛ yen, ale de bɛ kiri tigɛ dugukolo kan.»