[1] Korɛ denkɛw ka tanuli dɔnkili.
[2] Matigi ka bon, a ka kan ni tanuli sifa bɛɛ ye an ka Ala ka dugu kɔnɔ, a ka kulu senuma kan.
[3] Sion kulu kɔrɔtalen bɛ ni nɛɛma ye saheli yanfan fɛ. Sion kulu bɛ dugukolo bɛɛ nisɔndiya, masaba ka dugu don.
[4] Ala ye a yɛrɛ jira an na Sion sobaw kɔnɔ ko ale ye dogo yɔrɔ ye.
[5] Masakɛw ye ɲɔgɔn lajɛ ka tɛmɛn ka taa ɲɔgɔn fɛ.
[6] U ye Jerusalɛm ye minkɛ, u kabakoyara kosɛbɛ, u siranna ka boli ka taa.
[7] O yɔrɔ nin bɛɛ u yɛrɛyɛrɛla i ko muso tintɔ.
[8] I bɛ kɔrɔn fɛ fiɲɛ kɛ ka Tarsisi jikan kurunw karikari.
[9] An ye kuma min fɔkan mɛn, an ye o ye, Kɛlɛbolow Matigi ka dugu kɔnɔ, an ka Ala dugu kɔni. Ala na o sabati tuma bɛɛ. Sela.
[10] Ala, an bɛ miiri i ka ɲumaya la, k'an to i batosoba cɛmancɛ la.
[11] Ala, i tanuli bɛ se fo dugukolo dan na i ko i tɔgɔ. I kininbolo falen bɛ ni tilennenya ye.
[12] Sion kulu ka ɲagali, Juda duguw ka sewakan bɔ i ka kiri tigɛlenw kosɔn.
[13] Aw ka Sion lamini ka a ka sankansow jate.
[14] Aw ka a kɛlɛ kunbɛn kogow kɔlɔsi ka miiri a kɛlɛ kunbɛn sow ko la walisa k'a ko fɔ bɔnsɔn nata ye.
[15] Ala ye an ka Ala ye badaa badaa, ale de na anɲɛ minɛ fo ka se saya ma.