[1] Zaburu. A' ye Matigi tanu ni dɔnkili kura ye k'a masɔrɔ a ye kabakobaw kɛ. A kininbolo ni a bolo senuma ye se di a ma.
[2] Matigi ye a ka kisili ko jira ka a ka tilennenya jira siyaw la kɛnɛkan.
[3] A hakili tora a ka ɲumaya ni a ka kantigiya la Israɛl ka so ye. Dugukolo yɔrɔw bɛɛ mɔgɔw ye an ka Ala ka kisili kow ye.
[4] Dugukolo kan mɔgɔw, aw ka ɲagalikan bɔ ka Matigi tanu. A' ye sewakanba bɔ ka dɔnkili da.
[5] A' ye dɔnkili da Matigi ye ni nkɔni ye, ka dɔnkili da a ye ni nkɔnikan ye,
[6] ka dɔnkili da a ye ni buru ni biɲɛkolo burukan ye. A' ye sewakanba bɔ masaba Matigi ɲɛ kɔrɔ.
[7] Kɔgɔji ni a kɔnɔ fɛnw bɛɛ ka mankanba bɔ ani diɲɛ ni a kɔnɔ fɛnw bɛɛ.
[8] Bajiw bɛɛ ka tɛgɛrɛ fɔ, kuluw bɛɛ lajɛlen ka ɲagalikanba bɔ Matigi ɲɛ kɔrɔ,
[9] k'a masɔrɔ a bɛ na. A bɛ na ka kiri tigɛ dugukolo kan. A na kiri tigɛ diɲɛ kan ni tilennenya ye, ka kiri tigɛ siyaw kan ni sɛbɛya ye.