<Zaburuw 54

[1] Dɔnkili dalaw kuntigi ka dɔnkili. Dɔnkili min dara ni nkɔni juruw ye. Dawuda ka Zaburu.

[2] Zifkaw y'a fɔ Saul ye tuma min na ko: «Dawuda dogolen bɛ an cɛma.»

[3] Ala, i ka ne kisi i tɔgɔ kosɔn, ka ne kɛ tilennen ye i ka sebaaya barika la.

[4] Ala, i ka ne ka delili lamɛn ka i tulo majɔ ne dala kumaw la.

[5] Dunanw wulila ne kama, mɔgɔ farinmaw b'a fɛ ka ne faga. O mɔgɔw tɛ Ala jate. Sela.

[6] Ɔwɔ, Ala ye ne dɛmɛbaa ye. Matigi bɛ ne ni mara.

[7] A na ko jugu lase ne juguw ma, i ka u halaki i ka kantigiya kosɔn.

[8] Matigi, ne na diyaɲe sarakaw bɔ i ye, ka i tɔgɔ bonya, k'a masɔrɔ i ka ɲi.

[9] I ye ne tila ka bɔ ne tɔɔrɔ kow bɛɛ la, ne y'a ye ko se sɔrɔla ne juguw kan.