[1] Dɔnkili dalaw kuntigi ka dɔnkili. Korɛ denkɛw ka kalan dɔnkili.
[2] Ala, i ye ko minw kɛ an bɛnbaw tilew la don tɛmɛnnenw na, an tulow ye olu mɛn, an bɛnbaw ye u lakali an ye.
[3] E yɛrɛ bolo ye siya wɛrɛw gɛn ka an bɛnbaw sigi, i ye mɔgɔw faga ka u sigi olu nɔ na,
[4] katuguni u ka npanw ma o jamana di u ma, u bolow ma u yɛrɛw kisi. E kininbolo ni i bolo ye o kɛ ani i ɲɛda kɛnɛyeelen, k'a masɔrɔ u ko diyara i ye.
[5] Ala, e min ye ne ka masakɛ ye, i ka se di Yakuba ma.
[6] An na an juguw gɛn e de barika la. An na an juguw cɔngɔ i tɔgɔ barika la,
[7] katuguni ne jigi tɛ ne ka kala kan, ne ka npan fana tɛ se ka ne kisi.
[8] Nka e de bɛ an tila ka bɔ an juguw bolo ka an juguw lamaloya.
[9] An bɛ barika da Ala ye don o don ka a tɔgɔ bonya badaa. Sela.
[10] O bɛɛ n'a ta i ye an fili ka an labi an juguw ɲɛ. I tɛ taa an ka kɛlɛbolow fɛ tun.
[11] I ye anɲɔni an tɔɔrɔbaaw ye. An juguw ye an bolo fɛnw cɛ.
[12] I ye an don u bolo i ko saga fagataw, ka an jɛnsɛn siyaw cɛma.
[13] I bɛ i ka mɔgɔw feere sɔngɔ su la, i ma tɔnɔ si sɔrɔ u la.
[14] I ye an kɛ yɛlɛbɔ fɛn ye an sigiɲɔgɔnw cɛma, ka an kɛ mafiɲɛyali fɛn ye an lamini mɔgɔw ɲɛ na.
[15] Ɔwɔ, i ye an kɛ ntalen da fɛn ani kun kɔmi fɛn ye siyaw cɛma.
[16] Ne dɔgɔyali ko bɛ ne yɛrɛ kɔrɔ tuma bɛɛ, maloya ye ne kunkolo funun.
[17] Ne nenili kumaw ni tɔgɔ tiɲɛnni tɛ ban ne juguw ni u mɔnɛ bɔbaaw da la.
[18] O tɔɔrɔw bɛɛ sera an ma, hali k'a sɔrɔ an maɲinɛ i kɔ, an ma i ka layidu tiɲɛn.
[19] An dusukun ma jɛngɛ ka mabɔ i la, an senw ma fara ka bɔ i ka sira kan.
[20] O bɛɛ n'a ta i ye anɲɔɲɔ kungo wuluw sigi yɔrɔ la, ka an da tugu ni saya dibi ye.
[21] Ni an tunɲinɛna an ka Ala kɔ, ni an tun ye an bolow mɔɔnɔbɔ siya wɛrɛw ka bato fɛnw nɔ fɛ,
[22] Ala tun tɛna o dɔn wa? Katuguni ale de bɛ mɔgɔ kɔnɔna gundow dɔn.
[23] Nka an bɛ faga i kosɔn don o don, an bɛ jate i ko saga fagataw.
[24] Matigi, i ka wuli. Mun y'a to i bɛ sunɔgɔ? I ka wuli, i kana an fililen to tuma bɛɛ.
[25] Mun y'a to i bɛ i ɲɛda dogo, mun kosɔn i bɛɲinɛ an ka faantanya ni an ka tɔɔrɔw kɔ?
[26] K'a masɔrɔ an donna buguri la, an farikolo nɔrɔlen bɛ to dugukolo la.
[27] I ka wuli ka an dɛmɛ, ka an kisi i ka ɲumaya kosɔn.