<Zaburuw 3

[1] Dawuda ka Zaburu a boli tuma la a denkɛ Absalom ɲɛ.

[2] Matigi, ne juguw ka ca kosɛbɛ. Jamaba wulila ne kama.

[3] Mɔgɔ caman b'a fɔ ne ko la ko: «Ala tɛna a kisi.»

[4] Nka e Matigi, e ye ne ka nɛgɛ bɛnnan ye ka ne mara. E ye ne nɔɔrɔ de ye. E de ye ne kun kɔrɔta.

[5] Ne bɛ kasi Matigi nɔ fɛ ni kanba ye. A bɛ ne jaabi k'a to a ka kulu senuma kan.

[6] Ne ye ne da, ne sunɔgɔra. Ne wulila k'a masɔrɔ Matigi ye ne mara.

[7] Jamaba minw lajɛra ka ne lamini, ne tɛ siran olu ɲɛ fewu.

[8] Matigi, i ka wuli. Ne ka Ala, i ka ne kisi, katuguni i ye ne juguw bɛɛ gosi u tama na. I ye mɔgɔ juguw ɲinw kari.

[9] Matigi de bɛ kisili kɛ. I ka dubaw ka da i ka mɔgɔw kan. Sela.