<Zaburuw 120

[1] Jerusalɛm taa dɔnkili. Ne tɔɔrɔlen ye Matigi tɔgɔ wele, a ye ne jaabi.

[2] Matigi, i ka ne ni tila dawolo nkalontigɛlaw ani nɛnkun nanbaramaw la.

[3] Nɛnkun nanbarama, mun na di i ma, i ka nafa na kɛ mun ye?

[4] O na kɛ kɛlɛkɛ cɛw ka biɲɛ nun bɔlenw ani gele takami funtenibaw ye.

[5] Bɔnɛ bɛ ne ye sabu ne sigilen bɛ Mesɛk, ne sigi yɔrɔ bɛ Kedar finisow cɛma.

[6] Hɛrɛ ko man di mɔgɔ minw ye fewu, ne sigi tuma mɛnna olu cɛma.

[7] Ni ne kumana hɛrɛ ko la tuma o tuma, u b'a fɛ ka kɛlɛ kɛ.