<Zaburuw 15

[1] Dawuda ka Zaburu. Matigi, jɔn na sigi i ka finiso kɔnɔ? Jɔn na sigi i ka kulu senuma kan?

[2] Mɔgɔ min bɛ tilennenya sira taama, ka kɛwale tilennen kɛ ka tiɲɛ fɔ a dusukun na,

[3] ni a tɛ mɔgɔ si tɔgɔ jugu fɔ a nɛnkun na, ni a tɛ ko jugu kɛ a sigiɲɔgɔn na, ni a tɛ sɔn a mɔgɔɲɔgɔn tɔgɔ tiɲɛnni kuma ma.

[4] A mago tɛ mɔgɔ sɔnkolon na, nka a bɛ Alaɲɛsiranbaaw bonya. Ni a y'i kali ko a na fɛn dɔ kɛ, hali ni o bɛ a mago sa, a tɛ o yɛlɛma.

[5] A tɛ juru don tɔnɔ kama. A tɛ surɔ fɛn minɛ ka mɔgɔ jalakibali don bolo la. Mɔgɔ min cogo ye o ye, foyi tɛna o tigi lamaga abada.