[1] Dɔnkili dalaw kuntigi ka dɔnkili. Matigi ka baaraden Dawuda ka Zaburu.
[2] Mɔgɔ jugu ka sariya tiɲɛnni ko b'a jira ne dusukun na ko Ala ɲɛsiran si tɛ a la.
[3] A bɛ a yɛrɛ nɛgɛn ni kuma nugulen ye, ko a ka tilenbaliya tɛna dɔn k'a mangoya.
[4] A dala kumaw ye tilenbaliya ni nanbara de ye. A tɛ sɔn hakilitigiya ma ka ko ɲuman kɛ.
[5] A bɛ miiri tilenbaliya kɛ cogo la k'a to a dalan kan. A bɛ sira tilenbali minɛ. A tɛ i mabɔ ko jugu la.
[6] Matigi, i ka makari bɛ se fo sankolo la. I ka kantigiya bɛ se fo sankabaw ma.
[7] I ka tilennenya bɛ i ko Ala ka kuluw. I ka kiri kow bɛ i ko halaki dingɛ dunba. Matigi, i bɛ Hadamadenw ni baganw bɛɛ mara.
[8] Ala, i ka makari ka fisa fɛn bɛɛ ye, Hadamadenw bɛ u dogo i kaman suma kɔrɔ.
[9] U bɛ dumuni kɛ i ka so kɔnɔ fo ka u fa. I diyaɲekow bɛ i ko baji, i na u min o la.
[10] K'a masɔrɔɲɛnamaya ji boyi bɛ sɔrɔ e de fɛ. An bɛ kɛnɛ ye i ka kɛnɛyeelen na.
[11] I ka i ka makari to i dɔnbaaw fɛ, ka i ka tilennenya to mɔgɔ dusukun tilennenw fɛ,
[12] walisa mɔgɔ jugu senw kana na ne cɔngɔ, mɔgɔ jugu bolo kana ne gɛn.
[13] Tilenbaliya baarakɛlaw bi cogo filɛ o ye. U bira, u tɛna se ka wuli tun.