[1] Dɔnkili dalaw kuntigi ka dɔnkili min dara ni nkɔniw ye. Dawuda ka Zaburu.
[2] Ne ka tilennenyatigi Ala, ni ne ye i deli, i ka ne jaabi. Ni ne degunnen bɛ tuma min na, i ka lafiya di ne ma. I ka hinɛ ne la ka ne ka delili lamɛn.
[3] Aw Hadamadenw, aw na to ka ne ka bonyali kɛ mafiɲɛyali ye fo tuma jumɛn? Aw na to ka ne jalaki gwansan ka nkalon da ne la fo tuma jumɛn? Sela.
[4] Nka aw k'a dɔn ko Matigi ye Alaɲɛsiranbaa ɲɛnatɔmɔ a yɛrɛ ye. Ne bɛ Matigi deli tuma min na, a bɛ ne jaabi.
[5] Ni aw diminna, aw kana jurumu kɛ fewu, nka ka aw dalen to aw ka dalanw kan, aw ka miiri aw dusukun na ka sabali. Sela.
[6] Aw ka tilennenya saraka bɔ ka aw jigi da Matigi kan.
[7] Mɔgɔ caman b'a fɔ ko: «Jɔn na hɛrɛ jira an na?» Matigi, i ka i ɲɛɲuman kɛ ka an filɛ.
[8] Ni o mɔgɔw ka sɛnɛ fɛnw ni u ka diwɛn kɛnɛ sera, u bɛ nisɔndiya cogo min na, i bɛ ne nisɔndiya ka tɛmɛn o kan.
[9] Ne na ne da ka sunɔgɔ hɛrɛ la k'a masɔrɔ e Matigi kelenpe na ne mara ko ɲuman hɛrɛ la.