<Zaburuw 127

[1] Jerusalɛm taa dɔnkili. Solomani ta. Ni Matigi ma so jɔ, so jɔlaw bɛ baara kɛ fuu. Ni Matigi ma dugu mara, a kɔlɔsibaaw bɛ siɲɛ na fuu.

[2] Ayiwa, aw bɛ soli ka wuli ka mɛnɲɛ na, ka aw tɔɔrɔ dumuni fɛn ɲinili la, o bɛɛ bɛ kɛ fuu. Ala bɛ a ka kanulenw magoɲɛ, ka u to sunɔgɔ la.

[3] Ɔwɔ, denmisɛnw ye ciyɛn dilen ye Matigi fɛ, bange ye kɔnɔbara baraji ye.

[4] Cɛ bɛ den minw sɔrɔ a ka kamalenya waati la, olu bɛ a bolo i ko biɲɛkisɛw bɛ kɛlɛkɛ cɛ bolo cogo min na.

[5] Cɛ min ka ton falen bɛ u la, o ye dubaden ye. Ni a bɛ kuma a juguw fɛ dugu donda la, a tɛna maloya.