<Zaburuw 11

[1] Dɔnkili dalaw kuntigi ka dɔnkili. Dawuda ta don. Ne bɛ ne kalifa Matigi ma. Aw dun b'a fɔ ne ye cogo di ko: «I ka wuli ka taa i ka kuluw kan i ko kɔnɔ?»

[2] K'a masɔrɔ a filɛ, mɔgɔ juguw bɛ u ka kala sama, u bɛ u ka biɲɛ da kala juru la, walisa u ka mɔgɔw dusukun tilennen bon dibi la.

[3] Ni jusigilanw bira, mɔgɔ tilennen na mun kɛ?

[4] Matigi bɛ a ka batosoba senuma kɔnɔ. Matigi ka masasigilan bɛ sankolo la. A bɛ Hadamadenw filɛ, a bɛ a ɲɛ merun ka u mafilɛ.

[5] Matigi ɲɛ bɛ mɔgɔ tilennen na, nka a bɛ mɔgɔ jugu ni fariya ko kɛbaa koniya.

[6] A bɛ finfin ni tasuma ni kiribi bɔn mɔgɔ juguw kan, fiɲɛ min bɛ jenili kɛ, o na kɛ u niyɔrɔ ye.

[7] Ɔwɔ, Matigi tilennen don, tilennenya ko ka di a ye. Mɔgɔ tilennen na a ɲɛda ye.