[1] Dawuda ka Zaburu. Dɔnkili.
[2] Ala, ne dusukun ye barika sɔrɔ. Ne ni ye barika sɔrɔ ka tanuli dɔnkili da.
[3] Aw ka kunun, ne ka npɔlɔn ni ne ka nkɔni, ne na kunun ka kɔn kɛnɛbɔdaɲɛ.
[4] Matigi, ne na barika da i ye siyaw cɛma, ka i tanuli dɔnkili da siyaw cɛma,
[5] k'a masɔrɔ i ka ɲumaya yɛlɛnna fo sankolo la, i ka kantigiya sera fo sankabaw ma.
[6] Ala, i ka yɛlɛn sankolow la, i nɔɔrɔ ka kɛnɛ bɔ dugukolo yɔrɔw bɛɛ la.
[7] I ka ne kisi ni i kininbolo ye ka ne jaabi, walisa i ka kanulenw ka hɔrɔnya.
[8] Ka Ala to a ka yɔrɔ senuma la, a ko: «Ne na se sɔrɔ. Ne na Sisɛm tilatila, ne na Sukɔt jɛkɛnɛ lotise.
[9] Galad ye ne ta ye, Manase fana ye ne ta ye. Efrayim ye ne ka nɛgɛfugula ye, Juda ye ne ka masaya bere ye.
[10] Moab ye ne ka koli minanba ye, ne na ne ka sabara fili Edɔm kan. Ne na se sɔrɔli pɛrɛnkan bɔ Filisitikaw ka jamana kama.»
[11] Jɔn na neɲɛ minɛ ka taa dugu barikama kɔnɔ? Jɔn na taa ni ne ye fo Edɔm jamana la?
[12] E Ala, i ma an fili wa? Ala, i tɛ sɔn ka bila an ka kɛlɛboloɲɛ tun?
[13] I ka na an dɛmɛ k'an tila ka bɔ tɔɔrɔ la, k'a masɔrɔ Hadamaden ka dɛmɛni tɛ foyi ye.
[14] An bɛ se sɔrɔ Ala barika la, ale de na an juguw cɔngɔ duguma.