[1] Dɔnkili dalaw kuntigi ka dɔnkili, ɲɛnasisi dɔnkili. Dawuda ka Zaburu.
[2] Hakilintan y'a fɔ a yɛrɛ kɔnɔ ko: «Ala si tɛ yen.» Mɔgɔw y'u yɛrɛ toli, u jogo ka jugu, ko ɲumankɛla si tɛ.
[3] Ala y'a to san fɛ k'a ɲɛ majigin ka Hadamadenw filɛ, k'a filɛ yala ni dɔ ye hakili sɔrɔ ka Ala ɲini.
[4] U bɛɛ tununna, u bɛɛ fililaɲɔgɔn fɛ. Koɲumankɛla si tɛ u la, hali kelenpe.
[5] Tilenbaliya kɛbaaw bɛɛ ye ko dɔnbaliw ye wa? U bɛ ne ka mɔgɔw dun, i n'a fɔ to. U tɛ Ala tɔgɔ wele fewu.
[6] Siranba na cun u kan, k'a sɔrɔ siran fɛn si tun tɛ yen, k'a masɔrɔ Ala bɛ a ka mɔgɔw tɔɔrɔbaaw kolow jɛnsɛn. Maloya na u datugu sabu Ala na u fili.
[7] E n'a tun kɛra ko Israɛl kisili tun bɛ na ka bɔ Sion. Ni Ala ye a ka mɔgɔw kɔsegin ka bɔ jɔnya la, o tuma la Yakuba na ɲagali, Israɛl na nisɔndiya.