[1] Dɔnkili dalaw kuntigi ka dɔnkili. I kana halakili kɛ. Asaf ka Zaburu. Dɔnkili.
[2] Ala, an bɛ barika da i ye, an bɛ i tɔgɔ bonya. I tɔgɔ bɛ an cɛma, an bɛ i ka kabakow lakali.
[3] Matigi ko: «Ni ne ka don latigɛlen sera, ne na kiri tigɛ ni tilennenya ye.
[4] Dugukolo ni a kan mɔgɔw na yɛrɛyɛrɛ, nka ne na a samasenw banba. Sela.
[5] Ne y'a fɔ kuncɛbaw ye ko: ‹Aw kana kuncɛbaya kɛ,› k'a fɔ mɔgɔ juguw ye ko: ‹Aw kana aw kuncɛ bonya.›
[6] Aw kana aw kun kɔrɔta fo san fɛ, aw ka kuncɛbaya kuma dabila.»
[7] K'a masɔrɔ bonya tɛ bɔ kɔrɔn fɛ wala tilebi fɛ, a tɛ bɔ kungokolon kɔnɔ,
[8] nka Ala de na kiri tigɛ, a na dɔ majigin ka dɔ kɔrɔta.
[9] Jifilen bɛ Matigi bolo, diwɛn bɛ kanga a kɔnɔ, o kolonsolen don, a bɛ o bɔn. Dugukolo kan mɔgɔ juguw bɛɛ na o min, fo ka a buruburu bɛɛ min.
[10] A filɛ, ne tɛna dɔnkili dali dabila, ne na nɔɔrɔ da Yakuba ka Ala kan.
[11] Ne na mɔgɔ juguw barika bɛɛ tiɲɛn, nka mɔgɔ tilennenw barika na bonya.