[1] Letènèl ap reye, pèp yo tranble. Li chita sou cheriben yo, latè sekwe.
[2] Letènèl gran nan Siyon, Li leve sou tèt tout pèp yo.
[3] Se pou yo selebre non li ki gran, ki terib! Li sen!
[4] Wa a pisan, li renmen lajistis. – Se ou menm ki tabli la jistis. Se ou menm ki egzekite jijman ak ladwati nan Jakòb. –
[5] Egzalte Letènèl, Bondye nou an, Pwostène nou devan machpye li! Li sen!
[6] Moyiz ak Aawon pami sakrifikatè l yo, Samyèl pami moun k ap envoke non l yo. Yo envoke Letènèl, li reponn yo.
[7] Li pale ak yo nan kolonn nyaj yo, Yo kenbe temwayaj li yo ak prensip li te ba yo.
[8] Letènèl, Bondye nou, ou te reponn yo. Pou yo, ou te yon Bondye ki padone, Men, ki pini fot yo fè.
[9] Egzalte Letènèl, Bondye nou an, Pwostène sou montay li a ki sen. Paske, Letènèl, Bondye nou an, sen.