<Liv Sòm Yo 70

[1] Pou Maestwo koral la. Yon sòm David. Pou fè sonje.

[2] O Bondye, vin delivre m! O Letènèl, prese vin pote m sekou!

[3] Moun k ap chèche pran lavi m yo, Se pou yo tout wont, se pou yo tout jennen. Se pou yo fè bak, se pou yo wont, Moun ki ta renmen m peri yo.

[4] Moun k ap di: Aa! Aa! Se pou yo fè bak tèlman yo wont,

[5] Se pou tout moun k ap chèche ou fete, Se pou yo rejwi nan ou. Se pou moun ki renmen delivrans ou di san rete: Se pou Bondye egzalte.

[6] Mwen malere, mwen pòv, O Bondye, prese pou mwen. Ou se sekou mwen, ou se liberatè mwen. Letènèl, pa mize!