[1] Louwe Letènèl! Chante yon kantik nouvo pou Letènèl! Chante lwanj li nan asanble fidèl yo!
[2] Se pou Izrayèl rejwi nan sila a ki te fè li! Se pou pitit Siyon yo rejwi anpil, Akòz wa yo a!
[3] Se pou yo louwe non li ak dans, Se pou yo selebre l ak sòm epi ak hap!
[4] Paske, Letènèl pran plezi nan pèp li, Li bay malere yo delivrans kòm dekorasyon.
[5] Se pou fidèl yo rejwi anpil nan laglwa, Se pou yo fè gwo bri kontantman sou kabann yo!
[6] Se pou lwanj Bondye nan bouch yo, Se pou epe de bò a nan men yo,
[7] Pou yo egzekite vanjans sou nasyon yo, Pou korije pèp yo,
[8] Pou mare wa yo ak chenn, Pou mare gran yo ak chenn an fè,
[9] Pou yo egzekite jijman ki ekri kont yo; Onè sa a se pou tout fidèl li yo. Louwe Letènèl!