[1] Pou Maestwo koral la. Sou «Pa detui.» Yon sòm Asaf. Yon chan.
[2] N ap louwe ou, Bondye, n ap louwe ou, Paske, non ou tou pre; Mèvèy ou yo rakonte sa.
[3] Nan tan mwen fikse a, Se mwen menm k ap jije avèk jistis.
[4] Lè latè fonn ak tout sa ki abite ladan l, Se mwen menm ki fè poto l yo vin fèm. – Poze!
[5] Mwen di moun k ap vante tèt yo: Pa vante tèt nou! Mwen di mechan yo: Pa leve kòn nou!
[6] Pa leve kòn nou wo konsa, Pa pale ak kou rèd konsa.
[7] Paske, leve tèt pa soti ni an oryan ni ann oksidan, Li pa soti nan dezè.
[8] Paske, se Bondye k ap jije, Li bese yon moun, li leve yon lòt.
[9] Letènèl gen yon gode nan men l, Yon diven tou wouj ki plen melanj. Li vide l: Tout mechan yo souse, Yo bwè l jis nan dènye ma.
[10] Men, mwen menm, m ap toujou anonse bagay sa yo. M ap chante pou Bondye Jakòb la.
[11] M ap kraze tout kòn mechan yo, Kòn jis la ap monte pi wo.