<Зәбур 97

[1] Хӧдан ә п'адша, бьра ә'рд ша бә, бьра әшq бьн һ'әму гьрав!

[2] Ә'wр у думан ль дора Wи нә, р'асти у һәqи жи бьнгәһе к'ӧрсийа Wи нә.

[3] Агьр пешийа Wива дьчә, һәр чар алийа нәйаред Wи дьшәwьтинә.

[4] Бьрускед Wи ль дьнйайе дькьн р'они, ә'рд дьбинә, дьләрьзинә.

[5] Ч'ийа мина шьме жь диндара Хӧдан дьһ'әльн, жь бәр диндара Хwәйе т'әмамийа ә'рде.

[6] Ә'зман р'астийа Wи дькьн дәнги һ'әму мьләт жи р'умәта Wи дьбиньн.

[7] Бьра шәрми бьн һ'әмуйед кӧ п'ута дьһ'әбиньн, кӧ пе п'утед п'уч' дьфьр'ьн. Һ'әму хwәде ль бәр Хӧдан та дьбьн.

[8] Сийон дьбьһе у ша дьбә, бажаред Щьһуда бәшәрхwәш дьбьн qьраред тәр'а, Хӧдано.

[9] Чьмки Тӧ, Хӧдан, сәр т'әмамийа ә'рде Йе Һәри Бьльнд и, жь сәр һ'әму хwәдейа гәләки бьльндтьр буйи.

[10] Гәли Хӧдан һ'ьзкьрийа, бьжәньнә хьрабийе! Әw ә'мьре амьнед Хwә хwәй дькә, жь дәсте нәп'ака хьлаз дькә.

[11] Р'онайи дәрте бона р'аста, шабун жи бона сьтqе дьле р'аст.

[12] Пе Хӧдан ша бьн, гәли р'аста, жь наве Wийи пироз һун р'ази бьн.