<Зәбур 8

[1] Йа Хӧдан, Хwәйе мә! Ча һ'әйран ә наве Тә, ль сәр т'әмамийа әви ә'рди! Р'әwша Тә феза ә'зманар'а йә,

[2] кӧ пе дәве хьшим у ширхӧра те бьльндкьрьне. Ә'йнати дьжмьнр'а Тә qәwат һ'им кьр, кӧ нәйар у пәйк'әтийа дәнгбьр'и ки.

[3] Гава әз дина хwә дьдьмә ль ә'змана, кьред т'ьли-печ'ийед Тә, һиве у стәйрка, к'ижан кӧ Тә щи-wар кьрьнә,

[4] иди чи йә инсан кӧ Тӧ бир тини, йан жи бәнде ве дьне Тӧ ле дьньһер'и?

[5] Тә һьнәки жь мьлйак'әта әw ньмьзтьр кьр, р'умәт у р'әwшева әw хәмьланд.

[6] Тә сәр шьхӧле дәсте Хwә әw сәрwер дани, һәр тьшт кьрә бьне п'ийед wи ,

[7] һ'әму пәз у дәwар, һ'әйwанед бәйани,

[8] тәйрәдед ә'змен, мә'сийед бә'ре у һәр чь кӧ р'ийед бә'реда дьчьн.

[9] Йа Хӧдан, Хwәйе мә! Ча һ'әйран ә наве Тә, ль сәр т'әмамийа әви ә'рди!