<Зәбур 43

[1] Тӧ сәр ише мьнда бьньһер'ә, йа Хwәде, һәqийа мьн хwәй кә жь нава ви мьләте бехwәде, жь мәрьвед дәрәwин у нәһәq азад кә.

[2] Чьмки Тӧ йи Хwәдейе кәла мьн. Чьма Тә әз wеда авитьм? Чьма әз бь дьле кӧл бьгәр'ьм, жь бәр зерандьна нәйара?

[3] Р'онайи у р'астийа Хwә бьшинә, бьра әwана р'ебәрийа мьн бькьн, мьн бьбьнә ч'ийайе Тәйи пироз у Хана Тә.

[4] Әзе һәр'ьмә бәр горигәһа Хwәде, ль бәр Хwәдейе шабун у әшqа хwә, әзе бь чәнг пәсьне Тә бьдьм, йа Хӧдан, Хwәдейе мьн!

[5] Чьма нав мьнда дьк'ьзк'ьзи р'ӧһ'е мьн, чьма нав мьнда нә р'ьһ'әт и? Гӧмана хwә ль Хwәде бинә, чьмки диса әзе пәсьне Wи бьдьм, хьлазкьре хwә у Хwәдейе хwә.