<Зәбур 58

[1] Гәло һун р'аст qьрар дькьн, сәрwерно? У бь һәqийе һ'акьмтийе дькьн, мәрьвно?

[2] Нә дьлда һун беолитийе дькьн, бь дәстед хwә зӧлме ә'рде дьр'әшиньн.

[3] Нәп'ак һәма бәт'ьне деда жь р'е к'әти нә, зькмакийеда хальфинә дәрәwийеда.

[4] Жә'ра wан мина жә'ра мә'ра йә, мина тирәмә'ре кӧ гӧһед хwә дьхьтьминә,

[5] кӧ дәнге к'оч'әка нәбьһе, сербазе мә'райи пьспор жи.

[6] Хwәдейо! Дьрана дәве wанда һурдәхwәши кә, qилед wан шера бьк'ьшинә, Хӧдано!

[7] Бьра мина авед дьч'ькьн, һәр'ьн дәрбаз бьн, мина гиһе бенә п'епәскьрьн, һ'ьшк бьн һәр'ьн .

[8] Бьра әw мина зурийа бьн, гава әw дьк'ьшьн дьһ'әльн, мина зар'а бәр к'ӧлфәте чуйи, кӧ р'уйе тә'ве набинә.

[9] Әw һе сәр һ'ьшада нә һати бьра мина стьрийа бенә р'акьрьне, мина к'ол-к'оса бенә к'ьшандьне .

[10] Р'асте ша бә гава һ'әйфһьлдане бьбинә, әwе хуна нәп'акада ньгед хwә бьшо.

[11] Мәрьве бежьн: «Р'асти жи хәлата р'аста һәйә! Р'асти жи Хwәде һәйә, Әw Һ'акьме сәр дьне йә!»