<Зәбур 56

[1] Мьн wәрә р'ә'ме, Хwәдейо! Мәри зоре ль мьн дькьн, т'әвайийа р'оже тәнгасийе дьдьнә мьн.

[2] Нәйар т'әвайийа р'оже зоре мьн дькьн, чьмки гәләк ьн шәр'к'аред мьн! Йе Һәри Жорьн!

[3] Гава әз тьрседа мә, әз Тәда гӧман ьм.

[4] Пе Хwәде әзе пәсьне хәбәра Wи бьдьм, әз Хwәдеда гӧман ьм, әз натьрсьм, бәндәйе чь ль мьн бькә?

[5] Т'әвайийа р'оже кӧла дькьн дьле мьн, һ'әму шеwьред wанә сәр мьн хьраби нә.

[6] Әw тәлә-тәл бь дьзива, дина хwә дьдьнә гавед мьн, кӧ р'ӧһ'е мьн бьстиньн.

[7] Нәһәqийед wан Тӧ бинә сәре wан, Хwәдейо, пе һерсе Тӧ мьләта ә'рде хә.

[8] Тӧ дәро-дәрбунед мьн дьжмьри, һесьред мьн Тӧ бькә мәшке Хwә. Гәло әw нә к'ьтеба Тәда нә?

[9] Нәйаред мьне пашда һәр'ьн, гава әз һәwара хwә Тә дайньм. Әз бь ве йәке пе дьһ'әсьм, кӧ Хwәде т'әви мьн ә.

[10] Пе Хwәде әзе пәсьне хәбәра Wи бьдьм, пе Хӧдан әзе пәсьне хәбәра Wи бьдьм.

[11] Әз Хwәдеда гӧман ьм, әз натьрсьм, мәрьве чь ль мьн бькә?

[12] Йа Хӧдан, гәрә әз ад-qьраред хwә биньмә сери. Qӧрбанед р'азидарийе бьдьмә Тә.

[13] Чьмки нәфса мьн Тә жь мьрьне хьлаз кьр, бәле, ньгед мьн жи жь льк'ӧмандьне, wәки әз ль бәр Хwәде р'онаийа жийинеда бьгәр'ьм.