<Зәбур 21

[1] Хӧдан! Пе qәwата Тә п'адша ша дьбә у азадкьрьна Тәр'а чьqаси гӧл дьдә.

[2] Тә йа дьле wи да wи, хwәстьна дәве wи на-на нәкьр. (Сәла)

[3] Тӧ бәрәк'әта qәнщва р'асти wи һати у т'аще зер'е сафи дани сәре wи.

[4] Әwи жийин жь Тә хwәст, Тә р'ожед дьрежә һәр-һәйе дане.

[5] Р'умәта wи мәзьн ә, пе хьлазкьрьна Тә, qәдьр у һӧрмәт Тә дани сәре wи.

[6] Тә дӧайе һ'әта-һ'әтайе сәр wида баранд, диндара Хwәва Тә әw әшq у ша кьр.

[7] Чьмки п'адшайи Хӧданда гӧман ә, сайа һ'ӧба Йе Һәри Жорьн wе нәльк'ӧмә.

[8] Дәсте Тәйе бьгьһижә һ'әму дьжмьнед Тә, дәсте Тәйи р'асте бьгьһижә йед дьжәньнә Тә.

[9] Гава Тӧ к'ьфш би, Те wан бьки мина к'ура тәндуре, Хӧдане һерса Хwәда wан ӧнда кә у агьр-алаве wан һ'уфи хwә кә.

[10] Те к'ока wан жь дьне бини у зӧр'әта wан жь нав мәрьвайийе.

[11] Wан хwәст хьрабийе ль Тә бькьн, шеwьр дәрхьстьн, ле әв йәк wанр'а ль һәв нәһат.

[12] Те р'әве wан хи, тиркәване Хwә бьк'ьшини нав ч'ә'ве wан.

[13] Хӧдано, qәwата Хwәва Тӧ бьльнд бә, әме бьстьрен, шькьрийе бьдьнә зорайа Тә.