<Зәбур 76

[1] Щьһустанеда Хwәде ә'йан ә, Исраеледа наве Wи мәзьн ә.

[2] Хана Wи ль Шәлиме йә, һеwаргәһа Wи ль Сийоне йә.

[3] Ль wьр тиред агьри Әwи шкенандьн, мәрт'ал, шур у ч'әкед шер'. (Сәла)

[4] Тӧ шәмал и, мәзьн и, жь ч'ийайед һ'әта-һ'әтайе зедәтьр и .

[5] Йед дьлада шьдийайи т'алан чун, хәwа мьрьнеда һеньжин, т'ӧ мерхаси qәwат нәкьр бь дәсте хwә.

[6] Жь һьлатьна Тә, Хwәдейе Аqуб, һәсп сийарива хәwр'а чун.

[7] Хоф Тӧ йи, Тӧ! К'е тӧрьш кә бәр Тә бьсәнә гава Тӧ һерс к'әви?

[8] Тә жь ә'змен диwан ә'лам кьр, ә'рд тьрсийа у хwә кәр' кьр,

[9] гава Хwәде р'абу диwане бькә, кӧ һәр бьндәсти хьлаз бькә. (Сәла)

[10] Хәзәба диwана Тәйә сәр мәрьва пәсьне Тә дьдә, Тӧ т'әмамийа һерса Хwә дьди к'ьфше.

[11] Ад-qьрар кьн, Хӧдан Хwәде хwәр'а бьqәдиньн у һ'әмуйед дора Wи бьра п'ешк'еш Йе хофр'а биньн.

[12] Әw р'ӧһ'е сәрwера дьстинә, хофа Wи сәр һ'әму п'адшед ә'рде йә.