Зәбур 101
[1] Әшqи амьни у һәqийе әзе бьстьрем, йа Хӧдан, зәбура Тәр'а бежьм.
[2] Бь сәрwахтийе әзе р'ийа беләк'әда һәр'ьм. К'әнге Те бейи щәм мьн? Әзе мала хwәда бь дьле р'аст р'абьм-р'уним,
[3] тьштед хьраб әзе нәйньмә бәр ч'ә'ве хwә, кьред нәһәqа ль бәр ч'ә'ве мьн р'әш ьн, әwе незики мьн нәбьн.
[4] Бьра дьле qәлп жь мьн дур бә, нахwазьм йе хьраб әз нас кьм.
[5] Әзе йе дьзива бӧхдан һәвал дькә р'убари дьне нәһельм, йе ч'ә'вада к'ӧбар у дьлда бабах әз нькарьм сәбьр кьм.
[6] Ч'ә'ве мьн ль сәр амьнед ә'рде нә, кӧ әw т'әви мьн бьминьн, әwе кӧ р'ийа беләк'әда дьчьн, wе бәрдәстийе мьнр'а бькьн.
[7] Һ'ьләк'аре мала мьнда нәминә, дәрәwине бәр ч'ә'ве мьн нәсәнә.
[8] Бәрбанга к'урда әзе р'абьм qьр'а нәп'акед wәлет биньм, wәки жь бажаре Хӧдан к'ока һ'әму беqануна биньм.