Зәбур 138

Listen to this chapter • 1:10

[1] Хӧдан, әз дьл у щан шькьрийе дьдьмә Тә, ль бәр хwәдейа дьстьрем әшqи наве Тә.

[2] Та дьбьм бәр П'арьстгәһа Тәйә пироз у әз шькьрийе дьдьмә наве Тә, бона wе һ'ӧб у амьнийа Тә, кӧ Тә нав у хәбәра Хwә сәр һәр тьштир'а гьртийә.

[3] Р'ожа кӧ мьн гази Тә кьр, һьнге бьһист Тә дәнге мьн, qәwат кьрьм, qӧдум да мьн.

[4] Хӧдан, һ'әму п'адшайед дьнйайе wе шькьрийе бьдьнә Тә, чьмки бьһистьн хәбәред дәве Тә,

[5] Хӧдан wе бьстьрен әшqи р'ийед Тә, чьмки мәзьн ә Хӧдан р'умәта Тә.

[6] Р'аст ә Хӧдан бьльнд ә, ле йед ньмьзә бәләнгаз дьбинә, к'ӧбара жи дурва нас дькә.

[7] Һәгәр тә'ли-тәнгийар'а әз дәрбаз бьм, Те жь бәр һерса дьжмьн мьн хwәй ки у Те дәсте Хwә дьрежи мьн ки, дәсте Тәйи р'асте мьн хьлаз кә.

[8] Хӧдане бона мьн пьрса сафи кә, Хӧдан, һ'ӧба Тә һ'әта-һ'әтайе йә! Дәст жь кьред дәсте Хwә нәкә.

Зәбур — Chapters