<Зәбур 141

[1] Йа Хӧдан! Әз гази Тә дькьм, зу һәwара мьн wәрә, гӧһ бьдә дәнге мьн, гава әз гази Тә дькьм.

[2] Бьра дӧайе мьн мина бьхуре ль бәр Тә бе qәбулкьрьне, дәсте хwә жи кӧ бьльнд дькьм, бьбә мина дийарийа еваре .

[3] Йа Хӧдан, нобәдар бьдә ль бәр дәве мьн у дәргәһе дәве мьн Тӧ хwәй кә.

[4] Нәһелә дьле мьн пәй хьрабийе к'әвә, wәки әз т'әви кьре нәһәqа нәбьм, тьштед хьраб нәкьм, хwарьнед wанә хwәш тә'м нәкьм.

[5] Бьра йе р'аст мьн ширәт кә, әw йәк ширьнайи йә, бьра мьн һьле, әw йәк р'уне хас ә у бьра сәре мьн т'әхсир нәкә, ле дӧайед мьн, мьqабьли кьре мәрьвед хьраб ә.

[6] Гава сәрwеред wан зьнарада бьк'әвьн, һьнге әwе готьнед мьн фә'м бькьн, кӧ хwәш ьн.

[7] Чаwа ә'рде р'акьрийи, р'ез-р'ез кьри qәлашти, һәстуйед wане жи бәр дәве гор'е бәла-бәлайи бьн.

[8] Ле бәле, Хӧдан Хwәйо! Ч'ә'ве мьн ль Тә йә, Тӧ йи гӧмана мьн, мьн жь бәр Хwә нәвежә.

[9] Тӧ мьн жь wан т'әлед бона мьн һазьркьри у qәйдед wанә кӧ нәһәqийе дькьн хwәй кә.

[10] Нәп'аке хwәха бьк'әвьнә т'ор'а хwә, ле әзе дәрбаз бьм һәр'ьм.