<Зәбур 110

[1] Хӧдан готә Хwәйе мьн : «Ль мьле Мьни р'асте р'уни, һ'әта нәйаред Тә бькьмә бьне п'ийед Тә» .

[2] Хӧдане шьва qәwата Тә жь Сийоне бьшинә, ль нава нәйаред Хwәда сәрwертийе бькә.

[3] Р'ожа һәр'и шер', щьмә'та Тәйе бь р'әзәдьли бе у хортед Тәйе жи мина qьр'авийа бәрбанге буйи бьн, әwе бенә щәм Тә сәр ч'ийайед пироз.

[4] Хӧдан сонд хwар у п'ошман набә: «Тӧ һ'әта-һ'әтайе К'аһин и, мина Мәлк'и-Садьq» .

[5] Хӧдан ль мьле Тәйи р'асте йә, wе р'ожа кӧ һерс к'әвә Әwе п'адша һурдәхwәши кә.

[6] Әwе нава мьләтада һ'акьмтийе бькә, дор-бәра мьрийава т'ьжи кә, гәләк wәлатада сәрийа бьшкенә.

[7] Әwе р'ева жь ньхала вәхwә, бона ве йәке сәре Хwә бьльнд кә .