<Зәбур 130

[1] Жь к'урайе әз һәwара хwә Тә датиньм, Хӧдано.

[2] Хӧдан, дәнге мьн бьбьһе! Бьра гӧһе Тә сәр дәнге һеwарза мьн бә.

[3] Хӧдан, һәгәр дина Хwә бьди гӧнәйед мә, к'и wе бькарьбә бәр Тә бьсәнә, Хwәйо?

[4] Чьмки бахшандьн дәсте Тә йә, wәки инсан жь Тә хоф бькә.

[5] Әз һивийа Хӧдан ьм, нәфса мьн һивийе йә, гӧмана мьн сәр созе Wи йә.

[6] Нәфса мьн һ'әйра Хwәйи йә, жь wан нобәдара зә'фтьр, йед кӧ һ'әйра сьбәһе нә, һ'әйра сьбәһе нә.

[7] Исраел, гӧмана хwә бьдә сәр Хӧдан, чьмки һ'ӧба Хӧдан п'ьр' мәзьн ә, һәр хьлазбун жь дәсте Wи йә.

[8] Әwе Хwәха Исраеле жь һәр нәһәqийед wан хьлаз кә.