<Зәбур 54

[1] Хwәдейо, бь наве Хwә мьн хьлаз кә бь qәwата Хwә wәкә һәqийа мьн бьдә мьн.

[2] Хwәдейо, бьбьһе дӧайе мьн у гӧһ бьдә сәр готьнед мьн.

[3] Чьмки хәриба сәр мьнда гьртьнә у зӧлмк'ар пәй ә'мьре мьн к'әтьнә, Хwәде надьнә бәр ч'ә'ве хwә. (Сәла)

[4] Ле бәле Хwәде пьштоване мьн ә, Хwәйи т'агере ә'мьре мьн ә!

[5] Хьрабийе сәр дьжмьнда вәгәр'инә, жь дәст амьнийа хwә wан мьна кә.

[6] Әзе Тәр'а qӧрбане бьдьм, бь дьл у щан у шькьрийе бьдьмә наве Тәйи qәнщ, Хӧдан.

[7] Чьмки Тә жь һәр тәнгасийа әз хьлаз кьрьм, к'әтьна нәйара, мьн бәр ч'ә'ве хwә дит.