<Зәбур 94

[1] Йа Хӧдан, Хwәдейе һ'әйфһьлдане, Шәwq дә бьрq вәдә, Хwәдейе һ'әйфһьлдане!

[2] Р'абә һ'акьме дьнйайе, бәла бабаха бьде.

[3] Нәп'аке һ'әта к'әнге, Хӧдано, һ'әта к'әнге wе нәп'аке фьр'наq бьн?

[4] Әw готьнед жь хwә мәстьр дьбежьн, һ'әмуйед кӧ беолитийе дькьн к'ӧбар дьбьн.

[5] Хӧдан, әвана щьмә'та Тә дьһ'ьнщьр'иньн у wаре Тә дьчәрчьриньн.

[6] Әw жьнәби у хәриба дькӧжьн, сеwийа жи qьр' дькьн

[7] у дьбежьн: «Хӧдан набинә, Хwәдейе Аqуб нәзан ә».

[8] Бьзаньбьн гәли бефә'мед мәрьва, гәли беһ'ьша, к'әнге һуне фә'м бькьн?

[9] Гәло Йе гӧһ чекьрийә набьһе у Йе аwаз дайә ч'ә'в набинә?

[10] Йан Йе мьләта ширәт дькә, Йе заньстийе дьдә мәрьва, wан һьлнайе?

[11] Хӧдан фькьред мерьв занә, кӧ әwә п'уч' ьн .

[12] Хwәзи ль wи бәндәйи, Хӧдан, кӧ ширәт дьки у qануна Хwә ль wи һин дьки,

[13] wәки жь р'ожед охьрме гьран wан хьлаз ки, һ'әта кӧ бона нәп'ака ч'ә'л бе вәдане.

[14] Чьмки Хӧдан щьмә'та Хwә жь бәр Хwә навежә у дәсте Хwә жь wаре Хwә нак'ьшинә .

[15] Ле бәле һәqийе пьшта р'аста бьгьрә, һ'әмуйед дьле р'аст wе ль пәй һәр'ьн.

[16] К'е бона мьн ль бәр хьраба р'абә? К'е бона мьн мьqабьли wан бьсәнә, йед кӧ беолитийе дькьн?

[17] Һәгәр Хӧдан пьштоване мьн нибуйа, һьндьк мабу нәфса мьн дийаре кәр' у лалда бьма.

[18] Һәма мьн гот: «Ньгед мьн дьшьмьтьн», һ'ӧба Тәйә амьн Хӧдан, әз qәдим кьрьм.

[19] Дәма дәрд-кӧл дьле мьнда зедә дьбьн, барьстанийед Тә нәфса мьн ша дькьн.

[20] Т'ӧ һәләqәтийа һ'акьмед нәр'аст т'әви Тә һәйә, к'ижан кӧ нәһәqийе дькьнә һәqи?

[21] Мьqабьли нәфса йе р'аст к'ом дьбьн у хуна бесущ сущдар дькьн.

[22] Ле бәле Хӧдан буйә кәла мьн, Хwәдейе мьн, ә'сасе сьт'аргәһа мьн.

[23] Әwе нәһәqийа wан бинә сәре wан у бона нәһәqийа wан qьр'а wан бинә. Хӧдан Хwәдейе мәйе qьр'а wан бинә.