<Зәбур 12

[1] Һәwар Хӧдан, чьмки йед р'аст нәман, амьн жь нава мәрьва һатьнә һьлатьн.

[2] Һ'әму мәрьв һәвр'а дәрәwа дьбежьн, заре һ'ьләк'ар у дьле qәлп хәбәр дьдьн.

[3] Дә бьра Хӧдан заре һ'әму һ'ьләк'ара бьбьр'ә, ӧса жи зьмане йе мәзьн-мәзьн хәбәр дьдә.

[4] Әw дьбежьн: «Әме бь зьмане хwә сәрк'әвьн, зар-зьманед мә т'әви мә нә у һ'ӧкӧме к'е wе сәр мә һәбә?»

[5] «Бона хатьре фәqиред шеланди у заринийа бәләнгаза, Әзе ньһа р'абьм» Хӧдан дьбежә, «wан бькьмә щики бехоф, к'ижан дәмана wе йәке нә».

[6] Готьнед Хӧдан, готьнед хальс ьн, мина зиве к'ура ахинда һ'әланди нә у һ'әфт щара әw паqьжкьри нә.

[7] Хӧдано, Те нобәдарийа мә бьки, һ'әта-һ'әтайе мә жь ви ньсьли хwәй ки,

[8] кӧ дьбьн п'әр'ани, әw дьгәр'ьн, беарийа инсенр'а әw машоq ьн.