<Зәбур 142

[1] Әз бь дәнг гази Хӧдан дькьм, әз бь дәнг лава Хӧдан дькьм.

[2] Дәрд-кӧлед хwә дьр'ежьмә бәр Wи, тәнгасийед хwә әз Wир'а дьбежьм.

[3] Гава р'ӧһ'е мьн мьнда п'уч' дьбә, шьвәр'ийед мьн Тәва ә'йан ьн. Әw р'ийа кӧ әзе теда бьчума, бь дьзива бона мьн т'әлә данин.

[4] Әз дина хwә дьдьмә алийе р'асте, кәсәк т'ӧнә гӧһ бьдә мьн, кәсәк мьнр'а набә сьт'ар, кәсәк т'ӧнә бона мьн хәм бькә.

[5] Мьн һәwара хwә Тә ани, Хӧдано дьбежьмә Тә, Тӧ йи сьт'ара мьн у п'ара мьнә wәлате зендийада.

[6] Дина Хwә бьдә заринийа мьн, кӧ әз чьqаси т'әнгәзар ьм. Мьн жь п'әйк'әтийа хьлаз кә, чьмки әwә жь мьн зортьр ьн.

[7] Тӧ мьн жь зьндане дәрхә, кӧ шькьрийе бьдьм наве Тә, гава Тӧ qәнщийе мьн бьки, р'асте һәр алийава дора мьн бьгьрьн.