<Зәбур 24

[1] Ә'рд хер у хьзнева йе Хӧдан ә, ӧса жи дьнйа бьнәлийед wева .

[2] Чьмки Әwи һ'им авитә ль сәр бә'ра, әw да сәкьнандьн ль сәр ч'әма.

[3] К'и дькарә р'абә ч'ийайе Хӧдан, к'и дькарә бьсәнә Щийе Wийи Пироз?

[4] Йе дәсте һ'әлал у сьтqе дьле р'аст, кӧ нак'әвә пәй дәрәwийе у дәрәw жи сонд нахwә.

[5] Әwе жь Хӧдан бьстинә хер-бәрәк'әте, жь хьлазкьр Хwәдейе хwә р'успитийе.

[6] Йед аһа нә, кӧ ль Wи дьгәр'ьн, һ'ьзрәта дитьна Хwәдейе Аqуб ьн! (Сәла)

[7] Гәли дәргәһа, сәре хwә бьльнд кьн! Бьльнд кьн, гәли дәргәһед һәр-һәйе, wәки П'адшайе р'умәте бьк'әвә наве!

[8] К'и йә әw п'адшайе р'умәте? Хӧдане зор у qәwате, Хӧдане шер'дайи qӧдрәте.

[9] Гәли дәргәһа, сәре хwә бьльнд кьн! Бьльнд кьн, гәли дәргәһед һәр-һәйе, wәки П'адшайе р'умәте бьк'әвә наве!

[10] К'и йә әw п'адшайе р'умәте? Хӧдане Ордийа, Әw ә п'адшайе р'умәте! (Сәла)