<Зәбур 60

[1] Хwәде, Тә әм жь бәр Хwә авитьн, Тӧ ль мә һерс к'әти, әм qӧдум хьстьн, дә бәре Хwә ль мәда кә!

[2] Тә ә'рд һ'әжанд у тиш ле хьст, qәльштокед wе бьщәбьринә, чьмки әw дьләрьзә.

[3] Тә тәнгаси да щьмә'та Хwә, шәрава дәмьнандьне әм данә вәхwарьне.

[4] Тә хофк'ешед Хwәр'а ал да бьльндкьрьн, нишанәк да кӧ жь тира бьр'әвьн, (Сәла)

[5] бь дәсте Хwәйи р'асте мә сәр хә у бьбьһе, wәки һ'ьзкьрийед Тә азад бьн.

[6] Хwәде жь Щийе Хwәйи Пироз хәбәр да: «Әзе ша бьм, Шәхәме п'арәвәкьм нәwала Сукоте бьпивьм.

[7] Гилә'д йа Мьн ә, Мьнашә йа Мьн ә, Әфрайим зьрьһ'е сәре Мьн ә, Щьһуда жи qанундаре Мьн ә.

[8] Моwаб дәрдана Мьнә шуштьне йә, сола Хwә Әзе бавежьмә сәр Әдоме, дьле Хwә Әзе ша кьм ль Фьльстине».

[9] К'и wе мьн бьбә бажаре суркьри? К'и wе р'ебәрийа мьн бькә һ'әта Әдоме?

[10] Тӧ нини Хwәде, кӧ Тә әм жь бәр Хwә авитьн? Тӧ т'әви ордийед мә дәрнак'әви, Хwәдейо!

[11] Жь дәсте нәйар мә хьлаз кә, чьмки п'уч' ә алик'арийа мәрьва.

[12] Әме пе Хwәде мерхасийе бькьн, т'әне Әwе дьжмьнед мә п'епәс кә.