<Зәбур 127

[1] Һәгәр Хӧдан мале ченәкә, бадиһәwа авакьр дьхәбьтьн. Һәгәр Хӧдан бажер хwәй нәкә, бадиһәwа нобәдар бехәw дьминә.

[2] Бадиһәwа һун зу жь хәwе р'адьбьн у дәрәнг һун п'ал дьдьн, р'адьзен, нане хwә жи к'әсьри дьхwьн. Хәwеда жи Хӧдан дьдә дәлалед Хwә .

[3] Әwләд п'ешк'ешед Хӧдан ьн, бәре зька дайина Wи йә.

[4] Чаwа тир дәсте мере мерхасда, ӧса жи зар' щаһьлтийа баведа.

[5] Хwәзи ль wи мәрьви, кӧ тирданга wи wан йәкава т'ьжи йә. Гава ль бәр дәрге диwане , т'әви дьжмьн хәбәр дә, һьнге әwе шәрми нәбә.