<Зәбур 36

[1] Нәһәqи чь кӧ ә'мьри нәп'ака дькә, әв йәк ә'йан ә дьле мьнва: Хофа Хwәде т'ӧнә ль бәр ч'ә'ве wан ,

[2] чьмки һ'ьләк'арийе ль бәр ч'ә'ве хwә дькьн, кӧ нәһәqийа wан ә'йан нәбә у жь бәр ч'ә'ва нәк'әвьн.

[3] Хәбәред дәве wан нәһәq у дәрәw ьн, фә'ме wан т'ӧнә кӧ qәнщийе бькьн.

[4] Ньвинед хwәда шеwьра нәһәqийе дькьн у сәр р'ийед нәqәнщ әw дьсәкьньн, жь хьрабийе жи әw зьвер набьн.

[5] Йа Хӧдан! Һ'ӧба Тә һ'әта ә'змен ә у амьнийа Тә һ'әта ә'wра йә!

[6] Һәqийа Тә мина чийайе һәри бьльнд ә, qьрара Тә мина ава һәрә к'ур ә! Мерьв у һ'әйwен Тӧ хwәй дьки, Хӧдано!

[7] Һ'ӧба Тә чьqас беһьмбәр ә, Хwәдейо! Бәнде дьне бьн сийа п'әр'е Тәда һеwьринә.

[8] Әwана жь хер-бәрәк'әта мала Тә т'ер дьбьн у жь ч'әме Хwәйи бәгәмкьри дьди вәхwарьне.

[9] Чьмки канийа жийане ль щәм Тә йә, бь р'онайа Тә әм р'онайе дьбиньн.

[10] Һ'ӧба Хwә жь насед Хwә нәбьр'ә у һәqийа Хwә жь йед сьтqе дьле р'аст.

[11] Бьра п'ә'йна к'ӧбара нәгьһижә мьн дәсте нәп'ак жи мьн щи нәһ'әжинә.

[12] Һәма әв ә к'әтьна йед нәһәqи дькьрьн, әw ә'рде хьстьн иди нькарьбун р'абуна.