<Зәбур 13

[1] Хӧдано, һ'әта к'әнге Те мьн лап бир бьки? Һ'әта к'әнге Те р'уйе Хwә жь мьн вәшери?

[2] Һ'әта к'әнге әзе бьнә'льм, һәр р'ож дьлда дәрд у кӧл бьм? Һ'әта к'әнге бәр нәйар әзе ньмьз бьм?

[3] Бьньһер', щаба мьн бьдә, Хӧдан, Хwәдейе мьн! Р'онайийе бьдә бәр ч'ә'ве мьн, кӧ нәк'әвьмә хәwа мьрьне

[4] у дьжмьн нәбежә: «Әз сәр wи к'әтьм», хернәхwаз ша нәбә, гава әз бьк'әвьм.

[5] Мьн хwә спартийә амьнийа Тә, дьле мьне ша бә, бь хьлазкьрьна Тә.

[6] Әзе бьстьрем әшqи Хӧданә, бона qәнщийа кӧ ль мьн кьрийә.