<Зәбур 3

[1] Йа Хӧдан! Дьжмьнед мьн чьqас зедә бун! Гәләк р'адьбьн мьqабьли мьн.

[2] Гәләк бона мьн аһа дьбежьн: «Хьлазбуна ви Хwәдеда т'ӧнә». (Сәла)

[3] Ле Тӧ Хӧдано, мәрт'ала мьн и, р'умәт у бьльндкьре сәре мьн и.

[4] Мьн дәнг һьлда, ль Хӧдан кьр гази, Әwи щаб да жь ч'ийайе Хwәйи пирози. (Сәла)

[5] Әз п'ал дьдьм, р'адьзем у р'адьбьм, чьмки Хӧдан ә хwәйкьре мьн.

[6] Әз натьрсьм жь п'ьр'анийа wан мәрьва, wәки дора мьн гьртьнә һәр чар алийава.

[7] Р'абә Хӧдано! Мьн хьлаз кә, Хwәдейе мьн! Бәле Те сурәте һ'әму нәйаред мьнда бьдейи у дьранед нәп'ака һурдәхwәши ки.

[8] Хьлазбун дәсте Хӧданда йә. Бьра дӧайе Тә сәр мьләте Тә бә. (Сәла)