Зәбур 4
[1] Гава әз дькьм гази, дәнге мьн бьбьһе, Тӧ, Хwәдейе р'астийа мьн! Тәнгасийеда Тә әз дәрхьстьмә фьрәйе, ль мьн бькә ве р'ә'ме, дӧайе мьн Тӧ бьбьһе.
[2] Һәй инсанно! Һ'әта к'әнге һуне беһӧрмәт кьн р'умәта мьн? Һ'әта к'әнге һуне бош-бәталийе һ'ьз бькьн у дәрәwийе бьгәр'ьн? (Сәла)
[3] Ле заньбьн, Хӧдан амьне Хwә пе ч'ә'вәки дьн дьньһер'ә. Хӧдан дьбьһе, гава әз гази Wи дькьм.
[4] Бьләрьзьн, гӧна нәкьн , щи-ньвинада бьфькьрьн у дәнг нәкьн. (Сәла)
[5] Qӧрбанед р'астийе һун бьдьн у гӧмана хwә бьдьнә сәр Хӧдан.
[6] Гәләк һәнә аһа дьбежьн: «К'и wе qәнщийе нишани мә кә?» Хӧдано! Р'онайа диндара Хwә бьдә сәр мә.
[7] Тә жь wе шабуна wан зедәтьр кьр дьле мьн, йед кӧ гава нан, шәрава нува әw хьне дьбьн.
[8] Әз р'ьһ'әт п'ал дьдьм у р'адьзем, чьмки Тӧ йи т'әне Хӧдано, кӧ мьн бехоф дьдәбьрини.