<Зәбур 28

[1] Әз һәwара хwә Тә датиньм, Хӧдано! Qәйайе мьн, һена мьнда бедәнг нәминә! Һьндава мьнда Хwә кәр' нәкә, кӧ нәбьмә мина йе дьк'әвьнә гор'е.

[2] Бьбьһе дәнге заринийа мьн, гава әз һәwара хwә Тә датиньм, дәст бәрбьр'и П'арьстгәһа Тә дькьм.

[3] Мьн нәдә р'еза нәп'ака, нәкә т'әви wан нәһәqа, кӧ зархwәш ьн һәвалар'а, ле хьраб ьн дьле хwәда.

[4] Wәкә кьред wан бьдә wан, анәгори wан хьрабийед wан, wәкә кьрьнед бь дәсте wан, сәр бәла хwә бьра әw вәбьн.

[5] Чьмки әwан кьрьнед Хӧдан, сәр кьре дәсте Wи нафькьрьн. Әwе wан wеран кә, ава нәкә.

[6] Шькьр жь Хӧданр'а, кӧ Әwи бьһист заринийа мьн.

[7] Хӧдан qәwат у мәрт'ала мьн ә, дьле мьн Wида гӧман буйә, һьнге мьн станд же к'омәкә, дьле мьн к'әте шабунә, пәсьне Wи бьдьм бь стьранә.

[8] Хӧдан ә qәwата щьмә'та Хwә, сьт'ара азадийа бьжартийе Хwә.

[9] Дә щьмә'та Хwә хьлаз кә у wаре Хwә бьмбарәк кә, Тӧ шьвантийе ль wан бькә у т'ьме wан һьлгьрә.