Зәбур 64
[1] Хwәдейо, гава әз газьне хwә дькьм Тӧ бьбьһе дәнге мьн, ә'мьре мьн хwәй кә жь саwа дьжмьн.
[2] Мьн вәшерә жь шеwьред нәһәqа, жь ә'лаләта хьрабикьра,
[3] зьмане хwә әw туж дькьн мина шура у готьнед тә'л һазьр дькьн мина тира,
[4] кӧ дьзива бавежьнә йе ами-т'ам, ньшкева давежьне у натьрсьн.
[5] Фькьред хwәйә хьрабда qәwин дьминьн, дьфькьрьн кӧ бь дьзива т'әләка дайньн, «К'и wе ван бьбинә?» әw дьбежьн.
[6] Әw т'ьвдира хьрабийе дькьн у дьбежьн: «Мә р'ийа хwәйә нәһәqийе дитийә». Фькьред инсен гәләки к'ур ьн .
[7] Ле Хwәде wе тире бавежә wан, ньшкева әwе бьриндар бьн.
[8] Зьмане wане к'ока wан бинә, һәр кәсе кӧ wан бьбинә, wе сәре хwә бьһ'әжинә.
[9] Һәр мәрьве бьтьрсә, кьрьнед Хwәде wе бәла кә у гӧһ бьдьнә кьрьнед Wи.
[10] Р'асте пе Хӧдан ша бьн, бьн сийа Wида сьт'ар бьн, һ'әму дьлр'асте пе бьфьр'ьн.