<Зәбур 136

[1] Шькьрийе бьдьнә Хӧдан, чьмки Әw qәнщ ә у һ'ӧба Wи һ'әта-һ'әтайе йә.

[2] Шькьрийе бьдьнә Хwәдейе хwәдейа, чьмки һ'ӧба Wи һ'әта-һ'әтайе йә.

[3] Шькьрийе бьдьнә Хӧдане хӧдана, чьмки һ'ӧба Wи һ'әта-һ'әтайе йә.

[4] Йе кӧ т'әне к'әрәмәтед мәзьн дькә, чьмки һ'ӧба Wи һ'әта-һ'әтайе йә.

[5] Йе кӧ ә'зман бь сәрwахтийе ә'фьранд, чьмки һ'ӧба Wи һ'әта-һ'әтайе йә.

[6] Йе кӧ һ'име ә'рде сәр ава авит, чьмки һ'ӧба Wи һ'әта-һ'әтайе йә.

[7] Йе кӧ шәwqдаред мәзьн ә'фьрандьн, чьмки һ'ӧба Wи һ'әта-һ'әтайе йә.

[8] Тә'в, кӧ сәрwерийе р'оже бькә, чьмки һ'ӧба Wи һ'әта-һ'әтайе йә.

[9] Һив у стәйрк, кӧ сәрwерийе шәве бькьн, чьмки һ'ӧба Wи һ'әта-һ'әтайе йә.

[10] Йе кӧ Мьсьри, ньхӧрийе wанва хьст, чьмки һ'ӧба Wи һ'әта-һ'әтайе йә.

[11] Йе Исраел жь нава wан дәрхьст, чьмки һ'ӧба Wи һ'әта-һ'әтайе йә.

[12] Бь дәсте зор у зәнда дьрежкьри, чьмки һ'ӧба Wи һ'әта-һ'әтайе йә.

[13] Йе Бә'ра Сор кьрә дӧ п'ара, чьмки һ'ӧба Wи һ'әта-һ'әтайе йә.

[14] Йе Исраел нав wер'а дәрбаз кьр, чьмки һ'ӧба Wи һ'әта-һ'әтайе йә.

[15] Йе Фьрәwьн, ордийа wива авитә Бә'ра Сор, чьмки һ'ӧба Wи һ'әта-һ'әтайе йә.

[16] Йе Щьмә'та Хwә бәр'ийева бьр, чьмки һ'ӧба Wи һ'әта-һ'әтайе йә.

[17] Йе кӧ п'адшед мәзьн хьстьн, чьмки һ'ӧба Wи һ'әта-һ'әтайе йә.

[18] У Йе п'адшед хwәйир'умәт кӧштьн, чьмки һ'ӧба Wи һ'әта-һ'әтайе йә.

[19] Сихон п'адше әморийа, чьмки һ'ӧба Wи һ'әта-һ'әтайе йә.

[20] Ог п'адше башанийа, чьмки һ'ӧба Wи һ'әта-һ'әтайе йә.

[21] Йе ә'рде wан wарти да, чьмки һ'ӧба Wи һ'әта-һ'әтайе йә.

[22] Йе wарти да хӧламе Хwә Исраел, чьмки һ'ӧба Wи һ'әта-һ'әтайе йә.

[23] Йе бәләнгазийа мәда мә бир тинә, чьмки һ'ӧба Wи һ'әта-һ'әтайе йә.

[24] У әм жь дьжмьна хьлаз кьрьн, чьмки һ'ӧба Wи һ'әта-һ'әтайе йә.

[25] Йе һ'әму р'ӧһ'бәри нан дькә, чьмки һ'ӧба Wи һ'әта-һ'әтайе йә.

[26] Шькьрийе бьдьнә Хwәдейе ә'змен, чьмки һ'ӧба Wи һ'әта-һ'әтайе йә.