<Зәбур 26

[1] Йа Хӧдан, ль сәр һәqийа мьнда бьньһер'ә, чьмки әз һ'әлалийа хwәда мамә. Мьн гӧмана хwә данийә сәр Хӧдан, әз нашьһ'ьтьм.

[2] Мьн ә'нәнә кә Хӧдан у мьн бьщер'ьбинә, нет у дьле мьн Тӧ парзун кә.

[3] Чьмки һ'ӧба Тә ль бәр ч'ә'ве мьн ә у амьнийа Тә р'ебәрийа мьн дькә.

[4] Әз т'әви дәрәwина р'унаним у т'әви дӧр'уйа р'е начьм.

[5] Әз дьжәньмә щьвата хьраба у т'әви нәп'ака р'унаним.

[6] Әз бь бесущийе дәстед хwә дьшом, дора горигәһа Тә, Хӧдан, дьзьвьр'ьм,

[7] дәнге шькьрдарийе дьдьмә бьһистьне, һ'әму һ'ӧжмәк'арийед Тә сальх дькьм.

[8] Хӧдано! Әз һ'ьз дькьм Хана Тә, әw щийе майина р'умәта Тә.

[9] Нәфса мьн т'әви гӧнәк'ара ӧнда нәкә, ә'мьре мьн жи т'әви хунхӧра,

[10] дәсте к'ижанада нәһәqи һәйә, дәсте wани р'асте р'ӧшәтева т'ьжи йә.

[11] Ле бәле әзе һ'әлалийа хwәда бьминьм. Мьн азад кә у мьн wәрә р'ә'ме!

[12] Ньге мьн р'ийа р'астда йә, щьватада әзе пәсьне Хӧдан бьдьм.